Madridning “Atletiko” klubi bosh murabbiyi Diyego Simeone La Liganing 11-turida “Betis” ustidan qozonilgan g‘alabadan so‘ng (2:1) o‘z futbolchilarining o‘yinga yondashuv haqida gapirdi va hujumchi Antuan Grizmanning avvalgi formasiga qaytayotganini qayd etdi. Fransiyalik futbolchi uchrashuvda dubl qayd etdi.
“Sevilya”ga qarshi bahsdan keyin o‘yinlarga yondashuvimizni yaxshiladik. Qachonki iste’dod bo‘lsa, mehnatga to‘g‘ri munosabat kerak. Bu iste’doddan ko‘ra muhimroqdir. Yigitlar “Betis” bilan o‘yinda yaxshi natija ko‘rsatishdi. Mavsum davom etar ekan, bizga butun jamoa kerak bo‘ladi.
Yaxshilashimiz kerak bo‘lgan vaziyatlar mavjud. Bu haqda o‘zaro gaplashishimiz aniq. Bizda ularni yaxshilash uchun vaqt bor. Bu bizning murabbiylar shtabi sifatidagi ishimiz.
Biz tajribali Grizmanni o‘yinni boshqarayotganini ko‘ryapmiz. Bizga yetakchilar kerak. U o‘z jamoadoshlarini tushunadi va bizda yaxshi jamoaviy ruh bor", - deya Simeone so‘zlarini keltiradi Marca.
