Мадриднинг “Атлетико” клуби бош мураббийи Диего Симеоне Ла Лиганинг 11-турида “Бетис” устидан қозонилган ғалабадан сўнг (2:1) ўз футболчиларининг ўйинга ёндашув ҳақида гапирди ва ҳужумчи Антуан Гризманнинг аввалги формасига қайтаётганини қайд этди. Франциялик футболчи учрашувда дубль қайд этди.

“Севилья”га қарши баҳсдан кейин ўйинларга ёндашувимизни яхшиладик. Қачонки истеъдод бўлса, меҳнатга тўғри муносабат керак. Бу истеъдоддан кўра муҳимроқдир. Йигитлар “Бетис” билан ўйинда яхши натижа кўрсатишди. Мавсум давом этар экан, бизга бутун жамоа керак бўлади.

Яхшилашимиз керак бўлган вазиятлар мавжуд. Бу ҳақда ўзаро гаплашишимиз аниқ. Бизда уларни яхшилаш учун вақт бор. Бу бизнинг мураббийлар штаби сифатидаги ишимиз.

Биз тажрибали Гризманни ўйинни бошқараётганини кўряпмиз. Бизга етакчилар керак. У ўз жамоадошларини тушунади ва бизда яхши жамоавий руҳ бор", - дея Симеоне сўзларини келтиради Marca.