"Real Madrid" bosh murabbiyi Karlo Anchelotti ayni damda klub o‘z oldiga qanday maqsadlar qo‘ygani haqida gapirib berdi.
“Klubimizda barcha uchrashuvlar muhim. Jahon chempionatiga juda oz vaqt qoldi va biz Chempionlar ligasida birinchi o‘rinni egallash va La Ligada yaxshi pozisiyani egallash uchun g‘alaba qozonishga harakat qilishimiz kerak", - deya Anchelotti so‘zlarini keltiradi Marca.
Shuningdek, u jahon chempionati oldidan futbolchilarning jarohat olishidan qo‘rqishlari haqida o‘z fikri bilan o‘rtoqlashdi.
“Futbol olamida jarohatlar bo‘ladi. Agar siz jarohat olishni xohlamasangiz, divanda qoling. Mashg‘ulotlarda jamoadoshlar bilan kontakt bo‘lishi mumkin. Hozir hamma mashq qilishni xohlaydi. Agar kimdir menga qo‘rqib ketayotganini aytsa, uyda divanda o‘tirishi mumkin, ko‘proq serial yoki film tomosha qilib", - deya qo‘shimcha qildi 63 yoshli mutaxassis.
10 ochko jamg‘argan "Real Madrid" Chempionlar ligasida o‘z guruhida 1-o‘rinni egallab, La Ligada ham peshqadam (31 ochko).