"Реал Мадрид" бош мураббийи Карло Анчелотти айни дамда клуб ўз олдига қандай мақсадлар қўйгани ҳақида гапириб берди.

“Клубимизда барча учрашувлар муҳим. Жаҳон чемпионатига жуда оз вақт қолди ва биз Чемпионлар лигасида биринчи ўринни эгаллаш ва Ла Лигада яхши позицияни эгаллаш учун ғалаба қозонишга ҳаракат қилишимиз керак", - дея Анчелотти сўзларини келтиради Marca.

Шунингдек, у жаҳон чемпионати олдидан футболчиларнинг жароҳат олишидан қўрқишлари ҳақида ўз фикри билан ўртоқлашди.

“Футбол оламида жароҳатлар бўлади. Агар сиз жароҳат олишни хоҳламасангиз, диванда қолинг. Машғулотларда жамоадошлар билан контакт бўлиши мумкин. Ҳозир ҳамма машқ қилишни хоҳлайди. Агар кимдир менга қўрқиб кетаётганини айтса, уйда диванда ўтириши мумкин, кўпроқ сериал ёки фильм томоша қилиб", - дея қўшимча қилди 63 ёшли мутахассис.

10 очко жамғарган "Реал Мадрид" Чемпионлар лигасида ўз гуруҳида 1-ўринни эгаллаб, Ла Лигада ҳам пешқадам (31 очко).