"Manchester Siti" bosh murabbiyi Xosep Gvardiola norvegiyalik hujumchi Erling Xoland dekabr oyida vaqtini qanday o‘tkazishi haqida o‘z fikri bilan o‘rtoqlashdi. Uning terma jamoasi Qatardagi jahon chempionatining final bosqichiga chiqa olmadi va shuning uchun Xoland mini-ta’til o‘tkazadi.
“U albatta Marbelyada yoki Norvegiyada bo‘ladi. Uning Marbelyada o‘zini qanday tutishi mavsumning ikkinchi yarmida qanchalik yaxshi o‘ynashini belgilab beradi. Ishonchim komilki, u jahon chempionati ishtirokchisi bo‘lishni xohlardi. Balki u keyingi jahon chempionatida yoki Yevroda ishtirok etar.
Xolandning Marbelyada uyi bor va u yerda golf o‘ynaydi. Umid qilamanki, u ko‘p ichmaydi, yemaydi va yaxshi formada qaytadi", - deya Gvardiolaning so‘zlarini keltiradi TalkSport.
