"Манчестер Сити" бош мураббийи Хосеп Гвардиола норвегиялик ҳужумчи Эрлинг Холанд декабрь ойида вақтини қандай ўтказиши ҳақида ўз фикри билан ўртоқлашди. Унинг терма жамоаси Қатардаги жаҳон чемпионатининг финал босқичига чиқа олмади ва шунинг учун Холанд мини-таътил ўтказади.

“У албатта Марбельяда ёки Норвегияда бўлади. Унинг Марбельяда ўзини қандай тутиши мавсумнинг иккинчи ярмида қанчалик яхши ўйнашини белгилаб беради. Ишончим комилки, у жаҳон чемпионати иштирокчиси бўлишни хоҳларди. Балки у кейинги жаҳон чемпионатида ёки Еврода иштирок этар.

Холанднинг Марбельяда уйи бор ва у ерда гольф ўйнайди. Умид қиламанки, у кўп ичмайди, емайди ва яхши формада қайтади", - дея Гвардиоланинг сўзларини келтиради TalkSport.