"Manchester Siti" yarim himoyachisi Ilkay Gyundogan qanday qilib jamoa sardoriga aylangani haqida gapirib berdi.

“Murabbiy uchun futbolchilar yangi sardorimizni tanlashi muhim edi va tanlov men va Kevin de Bryuyne o‘rtasida edi. Jamoa meni tanlaganida juda xursand bo‘ldim va g‘ururlandim, lekin agar unga ustunlik berilsa, Kevin uchun xursand bo‘lardim.

Men o‘zimni yagona sardordek his qilmayman, chunki bizda beshta sardor bor. Biz hammamiz boshqalarga yordam berishga, qo‘llab-quvvatlashga harakat qilmoqdamiz”, - dedi 32 yoshli germaniyalik yarim himoyachi “Manchester Siti” rasmiy saytiga bergan intervyusida.

Ilkay Gyundogan joriy mavsumda "shaharliklar" safida 14 ta o‘yinda maydonga tushib, 2 ta gol va 1 ta golli uzatmani amalga oshirdi.