"Манчестер Сити" ярим ҳимоячиси Илкай Гюндоган қандай қилиб жамоа сардорига айлангани ҳақида гапириб берди.
“Мураббий учун футболчилар янги сардоримизни танлаши муҳим эди ва танлов мен ва Кевин де Брюйне ўртасида эди. Жамоа мени танлаганида жуда хурсанд бўлдим ва ғурурландим, лекин агар унга устунлик берилса, Кевин учун хурсанд бўлардим.
Мен ўзимни ягона сардордек ҳис қилмайман, чунки бизда бешта сардор бор. Биз ҳаммамиз бошқаларга ёрдам беришга, қўллаб-қувватлашга ҳаракат қилмоқдамиз”, - деди 32 ёшли германиялик ярим ҳимоячи “Манчестер Сити” расмий сайтига берган интервьюсида.
Илкай Гюндоган жорий мавсумда "шаҳарликлар" сафида 14 та ўйинда майдонга тушиб, 2 та гол ва 1 та голли узатмани амалга оширди.