«Andijon» Pro liganing 23-turida “Bobur Arena”da “Turon” klubini qabul qildi va 1:1 hisobida durang natijani qayd etdi.

Shu tariqa, andijonliklarning ochkolari 51 taga yetdi va “Turon” bilan o‘rtadagi 10 ochkolik farq saqlanib qoldi. 2-o‘rindagi “Turon” hisobida 41 va 3-pog‘onada borayotgan “Buxoro”da esa 40 ochko mavjud. Oldinda esa jamoalarning yana 4 tadan o‘yini qoldi. Keyingi turda esa 2 va 3-o‘rinda borayotgan “Buxoro” hamda “Turon” klublari o‘zaro Buxoroda bellashadilar. Tabiiyki, ulardan kamida bittasi ochko yo‘qotadi.

Matematik hisob-kitoblar shuni ko‘rsatib turibdiki, “Andijon” kamida 2-o‘rinni naqd qildi va 3-pog‘onaga tushib ketmaydi. Shunday ekan, "Andijon" Superligaga chiqish vazifasi kutilganidek muddatidan ilgari bajardi.