"Bavariya" Myunxengladbaxning "Borussiya" klubi hujumchisi Markus Tyuramni sotib olish imkoniyatini ko‘rib chiqmoqda.
Manba bergan xabarga ko‘ra, myunxenliklar klubi Robert Levandovski o‘rniga hujumchi qidirmoqda va 25 yoshli fransiyalik futbolchini bu rolga mos deb hisoblamoqda. Rahbariyat forvard sotib olish taklifini tayyorlamoqda.
Tyuram joriy mavsumda “Borussiya” safida barcha turnirlar doirasida 13 ta o‘yinda maydonga tushib, 11 ta gol urdi va 3 ta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.













