"Barselona" hujumchisi Ansu Fati joriy mavsum oxirida klubni tark etishi mumkin, deb xabar beradi Diario Sport.

Manba bergan xabarga ko‘ra, futbolchining agenti Xorxe Mendesh klubni ogohlantirgan, agar vingerga ko‘proq o‘yin vaqti berilmasa, yozgi transferlar vaqtida "Barsa"ni tark etish haqida o‘ylab ko‘rishadi.

Qayd etilishicha, Kataloniya klubi rahbariyati bu masalada xotirjam, chunki 19 yoshli hujumchi bilan tuzilgan shartnoma 2027 yilgacha amal qiladi va uning tovon puli miqdori 1 milliard yevroni tashkil qiladi.

24 oktyabr kuni Fati “Barselona”dagi o‘yin vaqtidan norozi ekani xabar qilingandi.

Joriy mavsumda Fati jamoasi safida La Liganing 11 ta uchrashuvida 3 ta gol urdi va 3 ta golli uzatmani amalga oshirdi.