"Барселона" ҳужумчиси Ансу Фати жорий мавсум охирида клубни тарк этиши мумкин, деб хабар беради Diario Sport.
Манба берган хабарга кўра, футболчининг агенти Хорхе Мендеш клубни огоҳлантирган, агар вингерга кўпроқ ўйин вақти берилмаса, ёзги трансферлар вақтида "Барса"ни тарк этиш ҳақида ўйлаб кўришади.
Қайд этилишича, Каталония клуби раҳбарияти бу масалада хотиржам, чунки 19 ёшли ҳужумчи билан тузилган шартнома 2027 йилгача амал қилади ва унинг товон пули миқдори 1 миллиард еврони ташкил қилади.
24 октябрь куни Фати “Барселона”даги ўйин вақтидан норози экани хабар қилинганди.
Жорий мавсумда Фати жамоаси сафида Ла Лиганинг 11 та учрашувида 3 та гол урди ва 3 та голли узатмани амалга оширди.
