Roman Pavlyuchenko o‘yindan so‘ng raqibga jismoniy bosim o‘tkazish tarzidagi sportga xos bo‘lmagan xatti-harakatlari uchun Rossiya ikkinchi ligasining sakkizta o‘yiniga diskvalifikasiya qilindi. Buni izohlar ekan, Pavlyuchenko jazoga ahamiyat bermasligini aytdi.
“Men endi katta futbol o‘ynamayman" - dedi Pavlyuchenko "Match TV" bilan suhbatda.
Pavlyuchenko futbolchilik faoliyati yakunlanganini aytdi. Rossiya terma jamoasining sobiq futbolchisining so‘zlariga ko‘ra, u ikkinchi ligada “Znamya” safida faqat o‘zi uchun va tajriba almashish imkoniyati uchun o‘ynagan. Romanning ta’kidlashicha, endi u butsalarini butunlay va qaytarib bo‘lmaydigan tarzda mixga osib qo‘yishga qaror qildi.
"Men allaqachon qaror qildim, klubni tark etdim" - dedi 40 yoshli Pavlyuchenko.
