Роман Павлюченко ўйиндан сўнг рақибга жисмоний босим ўтказиш тарзидаги спортга хос бўлмаган хатти-ҳаракатлари учун Россия иккинчи лигасининг саккизта ўйинига дисквалификация қилинди. Буни изоҳлар экан, Павлюченко жазога аҳамият бермаслигини айтди.
“Мен энди катта футбол ўйнамайман" - деди Павлюченко "Матч ТВ" билан суҳбатда.
Павлюченко футболчилик фаолияти якунланганини айтди. Россия терма жамоасининг собиқ футболчисининг сўзларига кўра, у иккинчи лигада “Знамя” сафида фақат ўзи учун ва тажриба алмашиш имконияти учун ўйнаган. Романнинг таъкидлашича, энди у бутсаларини бутунлай ва қайтариб бўлмайдиган тарзда михга осиб қўйишга қарор қилди.
"Мен аллақачон қарор қилдим, клубни тарк этдим" - деди 40 ёшли Павлюченко.
