“Galatasaroy”ning argentinalik hujumchisi Mauro Ikardi rafiqasi Vanda Narani agent lavozimidan bo‘shatdi, deb xabar bermoqda Tuttosport.

Qayd etilishicha, bunday qarorga Nara "PSJ"dan ijaraga olingani uchun 1 million yevro atrofida agentlik komissiyasi to‘lashni talab qilgani sabab bo‘lgan.

Avvalroq Ikardi rafiqasi bilan ajrashganini e’lon qilgandi, biroq er-xotin vaziyatni tartibga solishda davom etmoqda.

Nara argentinalik reperning klipida rol o‘ynadi, shundan so‘ng futbolchi u bilan ishlarni hal qilish uchun Argentinaga uchib ketdi. Biroq rafiqasi uni o‘zi turgan mehmonxonaga kiritmagan.

29 yoshli Ikardi Turkiya chempionatining joriy mavsumida "Galatasaroy" safida uchta o‘yinda maydonga tushib, bitta gol urdi va bitta samarali uzatma berdi.