“Галатасарой”нинг аргентиналик ҳужумчиси Мауро Икарди рафиқаси Ванда Нарани агент лавозимидан бўшатди, деб хабар бермоқда Tuttosport.
Қайд этилишича, бундай қарорга Нара "ПСЖ"дан ижарага олингани учун 1 миллион евро атрофида агентлик комиссияси тўлашни талаб қилгани сабаб бўлган.
Аввалроқ Икарди рафиқаси билан ажрашганини эълон қилганди, бироқ эр-хотин вазиятни тартибга солишда давом этмоқда.
Нара аргентиналик рэпернинг клипида роль ўйнади, шундан сўнг футболчи у билан ишларни ҳал қилиш учун Аргентинага учиб кетди. Бироқ рафиқаси уни ўзи турган меҳмонхонага киритмаган.
29 ёшли Икарди Туркия чемпионатининг жорий мавсумида "Галатасарой" сафида учта ўйинда майдонга тушиб, битта гол урди ва битта самарали узатма берди.
