Kataloniyalik "Barselona" xo‘jayinlari hali jamoaning sobiq bosh murabbiyi Kike Setyen bilan to‘liq hisob-kitob qilishmagan. Bu haqda yaqinda "Vilyarreal" bosh murabbiyi lavozimini egallagan mutaxassisning o‘zi aytib o‘tdi.
“Moliyaviy inqiroz bunga katta ta’sir ko‘rsatdi. Hozircha maoshim to‘liq olmaganim uchun buni sizga aytyapman. Shu bilan birga, men shoshqaloqlik qilmoqchi emasman, ularga qancha kerak bo‘lsa, shuncha vaqt berishga tayyorman. Hammasi yaxshi”, - dedi mutaxassis Mundo Deportivo bilan suhbatda.
Avvalroq tomonlar shartnoma muddatidan oldin bekor qilingani uchun moliyaviy kompensasiyasi bo‘yicha kelishib olgani xabar qilingandi. Setyen "Barselona"dan taxminan to‘rt million yevro olishi kerak.
