Madridning “Real” klubi yarim himoyachisi Luka Modrich ispan jamoasi bilan kelishuvi tugagach, 2008 yildan 2012 yilgacha o‘ynagan “Tottenxem”ga qaytishi mumkin. Bu haqda El Nacional xabar bermoqda.
Manbaga ko‘ra, 37 yoshli xorvat MLS klublarining ikkita taklifini rad etgan va Londondan klubga qaytish imkoniyatini ko‘rib chiqishga tayyor.
Modrich joriy mavsumda 14 o‘yinda 3 ta gol urdi va 2 ta golli uzatmani amalga oshirdi. Lukaning "Real" bilan shartnomasi mavsum oxirida yakuniga yetadi.
Modrich “Tottenxem” safida 160 ta o‘yinda maydonga tushib, 17 ta gol urdi va 26 ta golli uzatmani amalga oshirdi.
