Мадриднинг “Реал” клуби ярим ҳимоячиси Лука Модрич испан жамоаси билан келишуви тугагач, 2008 йилдан 2012 йилгача ўйнаган “Тоттенхэм”га қайтиши мумкин. Бу ҳақда El Nacional хабар бермоқда.
Манбага кўра, 37 ёшли хорват МЛС клубларининг иккита таклифини рад этган ва Лондондан клубга қайтиш имкониятини кўриб чиқишга тайёр.
Модрич жорий мавсумда 14 ўйинда 3 та гол урди ва 2 та голли узатмани амалга оширди. Луканинг "Реал" билан шартномаси мавсум охирида якунига етади.
Модрич “Тоттенхэм” сафида 160 та ўйинда майдонга тушиб, 17 та гол урди ва 26 та голли узатмани амалга оширди.
