“Manchester Yunayted” hujumchisi Markus Reshford Britaniyaning Afrika, Afro-Karib dengizi va Afrika-Amerika millatiga mansub eng nufuzli odamlaridan biri deb topildi, deb xabar beradi klub rasmiy sayti.
Ro‘yxat 2007 yildan buyon har yili e’lon qilinib, yoshlarga o‘rnak bo‘la oladigan qora tanlilar bilan jamoatchilikni tanishtirib kelinmoqda. Ro‘yxatdagi odamlar mustaqil hakamlar hay’ati tomonidan tanlanadi. Bu yil ro‘yxatga Reshforddan tashqari aktyor ser Lenni Genri va reper Stormzy ham kirdi.
Markus Reshford o‘tgan yili COVID-19 pandemiyasi davrida bolalarga bo‘lgan g‘amxo‘rligi uchun ham mukofot bilan taqdirlangan edi.
Angliyalik futbolchi “Manchester Yunayted” safida 317 ta o‘yinda maydonga tushib, 99 ta gol urgan va 60 ta golli uzatmani amalga oshirgan.
