Rossiya terma jamoasining sobiq bosh murabbiyi, hozirda Vengriyaning “Ferensvarosh” jamoasi boshqaruvchisi Stanislav Cherchesov “Real” hujumchisi Karim Benzemaning “Oltin to‘p” nominasiyasidagi g‘alabasi haqida fikr bildirdi.
“Bu yil Karim yagona nomzod ekanligi menga ayon bo‘ldi. O‘n yillik yuqori darajadagi o‘yin. Shunday qilib, u bunga loyiq edi", - deya mutaxassisning so‘zlaridan iqtibos keltiradi Chempionat nashri.
34 yoshli hujumchi o‘tgan mavsumda "Real" bilan Chempionlar ligasi va Ispaniya La ligasida g‘olib chiqqan. Ikkala turnirda ham Karim eng yaxshi to‘purarga aylandi.
Benzema Zinedin Zidandan keyin "Oltin to‘p"ni qo‘lga kiritgan birinchi fransuz bo‘ldi.
