Kataloniyaning “Barselona” klubi himoyachisi Jyul Kunde jamoaning joriy mavsumdagi o‘yinlari taqvimidan noroziligini bildirdi. Kecha "Valensiya"ga qarshi o‘yinda (1:0) fransiyalik futbolchi jarohat olib, uchrashuvni muddatidan avval yakunladi.

"Mening jarohatim stress bilan bog‘liq. Menimcha, bu jiddiy narsa emas. Turnir tashkilotchilari futbolchilar haqida ko‘proq o‘ylashlari kerak. Bizda aqldan ozgan o‘yinlar taqvimi bor, lekin yuqoridagilar umuman xavotirga tushishmayapti", - deydi himoyachi.

Kunde joriy mavsumda "ko‘k-anorranglilar" tarkibida 10 ta o‘yinda maydonga tushib, 3 ta golli uzatmani amalga oshirdi.