Каталониянинг “Барселона” клуби ҳимоячиси Жюль Кунде жамоанинг жорий мавсумдаги ўйинлари тақвимидан норозилигини билдирди. Кеча "Валенсия"га қарши ўйинда (1:0) франциялик футболчи жароҳат олиб, учрашувни муддатидан аввал якунлади.
"Менинг жароҳатим стресс билан боғлиқ. Менимча, бу жиддий нарса эмас. Турнир ташкилотчилари футболчилар ҳақида кўпроқ ўйлашлари керак. Бизда ақлдан озган ўйинлар тақвими бор, лекин юқоридагилар умуман хавотирга тушишмаяпти", - дейди ҳимоячи.
Кунде жорий мавсумда "кўк-анорранглилар" таркибида 10 та ўйинда майдонга тушиб, 3 та голли узатмани амалга оширди.
