"Bavariya" va Germaniya terma jamoasi darvozaboni Manuel Noyer Qatarda bo‘lib o‘tadigan Jahon chempionati boshlanishidan oldin jarohatdan tiklanishi aniq bo‘ldi.

36 yoshli darvozabon jarohati tufayli Myunxen grandining so‘nggi o‘yinlarini o‘tkazib yubordi, bu esa, shu jumladan Germaniya terma jamoasi muxlislarini xavotirga soldi. Kicker xabariga ko‘ra, Noyerning bo‘lajak Jahon chempionatidagi ishtiroki shubhasiz. "Bavariya" sardori Qatarda terma jamoaga yordam bera oladi.

Joriy mavsumda Manuel Noyer “Bavariya” safida barcha musobaqalarda 13 ta o‘yinda maydonga tushib, 11 ta gol o‘tkazib yuborgan.