"Бавария" ва Германия терма жамоаси дарвозабони Мануэл Нойер Қатарда бўлиб ўтадиган Жаҳон чемпионати бошланишидан олдин жароҳатдан тикланиши аниқ бўлди.
36 ёшли дарвозабон жароҳати туфайли Мюнхен грандининг сўнгги ўйинларини ўтказиб юборди, бу эса, шу жумладан Германия терма жамоаси мухлисларини хавотирга солди. Kicker хабарига кўра, Нойернинг бўлажак Жаҳон чемпионатидаги иштироки шубҳасиз. "Бавария" сардори Қатарда терма жамоага ёрдам бера олади.
Жорий мавсумда Мануэл Нойер “Бавария” сафида барча мусобақаларда 13 та ўйинда майдонга тушиб, 11 та гол ўтказиб юборган.
