“Barselona” markaziy himoyachisi Jerar Pike Ispaniya terma jamoasining 2022 yilda Qatarda bo‘lib o‘tadigan jahon chempionati uchun kengaytirilgan 55 nafardan iborat terma jamoasiga kiritildi, deb xabar beradi Marca.

Manba bergan xabarga ko‘ra, futbolchi so‘nggi paytlarda terma jamoadan uzoqda bo‘lganiga qaramay, bosh murabbiy Luis Enrike tomonidan "PSJ" himoyachisi Serxio Ramos bilan birga final turniriga yo‘l olish uchun tanlab olingan 55 nafar nomzoddan biriga aylandi.

Shuningdek, ro‘yxatga kirish Pike va Ramosning jahon chempionatida ishtirok etishini kafolatlamaydi, chunki Enrike Aymerik Laport (“Manchester Siti”), Inigo Martines (“Atletik” Bilbao), Pau Torres (“Vilyarreal”), Diyego Lyorente (Real Sosyedad) kabi variantlarni afzal ko‘rishi mumkin.

Oldinroq kengaytirilgan ro‘yxatga "Manchester Yunayted" darvozaboni David de Xea kiritilmagani ma’lum bo‘lgandi.

Ispaniya "E" guruhida Germaniya, Yaponiya va Kosta-Rika bilan o‘ynaydi. Qatardagi jahon chempionati 20 noyabr kuni Qatar – Ekvador uchrashuvi bilan boshlanadi.