"Nyukasl" "Barselona" darvozaboni Mark-Andre ter Shtegen uchun 50 million yevro to‘lashga tayyor. "Qarg‘alar" nemis futbolchisiga bo‘sh chek taklif qilishadi, ya’ni u istalgan maoshni kiritishi mumkin.

Bu haqda El Nacional xabar bermoqda. Manbaga ko‘ra, "Barselona" asosiy darvozabonni qo‘yib yuborishga tayyor emas, ammo moliyaviy muammolarni hal qilish uchun uni sotishga rozi bo‘lishi mumkin.

Ter Shtegen 2014 yilda "Barselona"ga o‘tgan edi. Joriy mavsumda u 17ta o‘yinda 14ta gol o‘tkazib yubordi va 10 bor o‘z darvozasi daxlsizligini saqlab qoldi. Eslatib o‘tamiz, ushbu 10 ta “quruq” o‘yinning barchasi Ispaniya chempionatiga to‘g‘ri keldi. Tomonlar o‘rtasidagi kelishuv 2025 yilda yakuniga yetadi.