“Manchester Yunayted”ning portugaliyalik hujumchisi Krishtianu Ronaldu Lissabondagi uyini qurish ishlarini tezlashtirdi, deb xabar bermoqda The Sun.

Qayd etilishicha, 37 yoshli futbolchi avvalroq 20 million yevroga uy sotib olgan. Ronaldu villani 2023 yil yozigacha yakunlash uchun me’mordan qurilish sur’atlarini tezlashtirishni so‘ragan. Elita hududida joylashgan qasr Portugaliyadagi eng qimmat ko‘chmas mulkka aylanadi. Uy uch qavatdan iborat bo‘lib, maydoni 2,7 ming kvadrat metr, ochiq maydoni 544 kvadrat metr, turli bog‘lar va ulkan basseyn.

Ronalduning rafiqasi Jorjina Rodriges allaqachon besh farzandi uchun mos maktab izlay boshlagan.

Avvalroq, hujumchi 2023 yilning qishida "Sporting"ga o‘tmoqchi ekanligi haqida xabarlar tarqalgan edi. Ronalduning "Manchester Yunayted" bilan shartnomasi kelasi yozgacha amal qiladi.