"Barselona" yarim himoyachisi Frenki de Yong kelasi yili jamoani tark etish niyatida emas. "Ko‘k-anorranglilar" "Chelsi" va "Manchester Yunayted"ga qiziqqan 25 yoshli futbolchini sotishga qarshi emas, ammo niderlandiyalik futbolchining o‘zi yana bir bor har qanday transferni rad etadi. Bu haqda Sport.es nashri xabar bermoqda.
Oldinroq qishki transfer oynasida De Yongni "Liverpul" o‘z safiga qo‘shib olishi mumkinligi haqila xabarlar chiqqan edi.
Frenki "Barselona"ga 2019 yilning yozida "Ayaks"dan kelib qo‘shilgan edi. Joriy mavsumda yarim himoyachi Ispaniya chempionati va Chempionlar ligasining 15ta uchrashuvida 1ta gol urdi. Tomonlar o‘rtasidagi kelishuv 2026 yilda yakuniga yetadi.













