"Leypsig" himoyachisi Muhammad Simakan "PSJ"ga o‘tishdan bosh tortganini aytdi.
"PSJ" meni o‘z safiga qo‘shib olmoqchi edi, bu haqiqat. Parijliklarning sport direktori agentlarim bilan gaplashayotgan edi. Men qolishga qaror qildim, chunki men uchun asosiysi barqarorlik. Bu qaror "Leypsig" rahbariyati bilan kelishilgan", — dedi futbolchi.
O‘tgan mavsumda 22 yoshli fransiyalik barcha musobaqalarda 40 ta o‘yinda maydonga tushib, 1 ta gol urdi va 1 ta golli uzatmani amalga oshirdi.
Transfermarkt.com portali futbolchining narxini 22 million yevroga baholagan.
