"Real" yarim himoyachisi Toni Kroos ispan klubini tark etish niyati yo‘qligini aytdi.
"Faoliyatimni "Real"da yakunlayman. Bitta savol bor: bu qachon sodir bo‘ladi? Bir narsa aniq, men boshqa klubda o‘ynamayman.
2023 yilda jamoa rahbariyati bilan uchrashuv o‘tkazaman. Keling, kelajagim haqida keyinroq gapiraylik. Demak, qaror kelasi yili qabul qilinadi", — deya Kroos so‘zlarini keltiradi Marca.
32 yoshli yarim himoyachining "Real" bilan amaldagi shartnomasi 2023 yilning yozida yakuniga yetadi.
Kroos 2014 yildan beri "Real"da o‘ynab kelmoqda.
