Kataloniyaning "Barselona" klubi kelasi yil uchun transfer kampaniyasini rejalashtirishni boshladi.
Managing Barsa nashri ma’lumotlariga ko‘ra, "ko‘k-anorranglilar" uchta pozisiyani mustahkamlash niyatida. Klub o‘ng qanot himoyachisi, yarim himoyachi va markaziy hujumchi pozisiyasi uchun yangi futbolchilarni sotib olishni rejalashtirmoqda.
"Barselona" bu mavsumda Chempionlar ligasida omadsiz o‘ynadi, guruh bosqichida turnirni tark etdi. Xavi Ernandes shogirdlari endi o‘z omadlarini Yevropa ligasida sinab ko‘rishadi.
Ispaniya chempionatining 12-turi yakunlariga ko‘ra, Kataloniya jamoasi peshqadam “Real”dan bir ochko ortda qolib, turnir jadvalida ikkinchi o‘rinda bormoqda.