"Atalanta" yarim himoyachisi Ruslan Malinovskiy tez orada jamoani tark etishi mumkin.
Il Giorno nashri xabariga ko‘ra, yarim himoyachiga Angliya Premyer-ligasining uchta klubi qiziqish bildirmoqda. Avvalroq “Tottenxem” va “Vest Xem” klublari futbolchini o‘z safiga qo‘shib olmoqchi bo‘lgan bo‘lsa, endi “Nottingem Forest” Malinovski uchun kurashga qo‘shildi.
Manbaning xabar berishicha, “Atalanta” futbolchining ketishiga qarshi emas. Klub 15 million yevro miqdoridagi takliflarni ko‘rib chiqishga tayyor.
Eslatib o‘tamiz, transfermarkt portali 29 yoshli yarim himoyachining narxini 28 million yevroga baholamoqda.
