Argentina terma jamoasining sobiq hujumchisi Karlos Teves Qatarda bo‘lib o‘tadigan jahon chempionati favoritlari nomini aytdi.
“Men uchun asosiy da’vogar Argentina hisoblanadi. Barchamiz terma jamoadan xursandmiz. Bu yigitlar barchamizni hayajonga soldi.
Jamoamiz guruhi esa, hech qachon bo‘lmaganidek, juda muvozanatli. Har qanday o‘yinda Argentina o‘z o‘yinini aytib bera oladi.
Lekin Braziliya terma jamoasi ham bor - Neymar boshchiligidagi bu jamoaning ham imkoniyatlari yuqori.
Fransiya terma jamoasi esa juda kuchli, garchi jarohatlari bo‘lsa ham. Katta turnirda doim favoritlar qatorida turadigan Ispaniyani ham unutmang", - deydi Teves.
