Boks bo‘yicha Osiyo chempionatining beshinchi kunida erkaklar jamoamizdan faqat Hasanboy Do‘smatov jang olib borib, ishonchli g‘alabani qo‘lga kiritdi.

Afsuski, bugungi kun ayollarimiz uchun omadsiz chiqdi. Bugun ringga ko‘tarilgan 4 nafar qizlarimizning barchasi imkoniyatni boy berib qo‘yishdi.

-52 kg vaznli bokschimiz Feruza Kazakova mo‘g‘ulistonlik raqibasiga 2:3 hisobida yutqazib qo‘ydi.

-54 kg vaznli bokschimiz Nigina O‘ktamova Osiyo chempionatidagi ilk jangini tailandlik Jitpong Jutamasga qarshi o‘tkazdi va 1:4 hisobida imkoniyatni boy berdi.

Amaldagi chempion, -57 kg vazn toifasidagi bokschimiz Sitora Turdibekova chorak final jangini hindistonlik Pritiga qarshi o‘tkazdi va mag‘lubiyatga uchradi.

-70 kg vazn toifasida Mavluda Mavlonova chorak finalda tailandlik Manikon Baisonga qarshi jang o‘tkazdi va afsuski 1:3 hisobida yutqazib qo‘ydi.