"Barselona"ning barcha futbolchilari chempionatning 13-turida "Almeriya"ga qarshi o‘yin oldidan uchinchi raqam va Pike ismi yozilgan liboslarda maydonga tushishdi. Kataloniya klubi futbolchilari shanba kuni "ko‘k-anorranglilar" bilan xayrlashuv o‘yinini o‘tkazayotgan himoyachi Jerar Pikeni qo‘llab-quvvatlashga qaror qilishdi.

"Kamp Nou" stadionida bo‘lib o‘tayotgan "Barselona" - "Almeriya" uchrashuvi oldidan 35 yoshli ispaniyalik futbolchi o‘g‘illari - Sasha va Milan bilan birga maydonga tushdi.

Pike "Barselona" tarbiyalanuvchisi hisoblanadi. 2004 yilda u klub akademiyasini tark etib, "Manchester Yunayted"ga o‘tdi. 2008 yilda u ispan klubiga qaytdi. 3 noyabr kuni himoyachi faoliyatini yakunlagani va jamoani tark etishi haqida e’lon qildi.

Uchrashuvning 7-daqiqasida “Barselona” hujumchisi Robert Levandovski “Almeriya” darvozasiga belgilangan penaltini golga aylantira olmadi.