"Барселона"нинг барча футболчилари чемпионатнинг 13-турида "Альмерия"га қарши ўйин олдидан учинчи рақам ва Пике исми ёзилган либосларда майдонга тушишди. Каталония клуби футболчилари шанба куни "кўк-анорранглилар" билан хайрлашув ўйинини ўтказаётган ҳимоячи Жерар Пикени қўллаб-қувватлашга қарор қилишди.
"Камп Ноу" стадионида бўлиб ўтаётган "Барселона" - "Алмерия" учрашуви олдидан 35 ёшли испаниялик футболчи ўғиллари - Саша ва Милан билан бирга майдонга тушди.
Пике "Барселона" тарбияланувчиси ҳисобланади. 2004 йилда у клуб академиясини тарк этиб, "Манчестер Юнайтед"га ўтди. 2008 йилда у испан клубига қайтди. 3 ноябрь куни ҳимоячи фаолиятини якунлагани ва жамоани тарк этиши ҳақида эълон қилди.
Учрашувнинг 7-дақиқасида “Барселона” ҳужумчиси Роберт Левандовски “Альмерия” дарвозасига белгиланган пенальтини голга айлантира олмади.