“Manchester Siti”ning norvegiyalik hujumchisi Erling Xoland o‘yinning so‘nggi soniyalarida “Fulxem” darvozasiga penaltidan urilgan goldan o‘z his-tuyg‘ulari bilan o‘rtoqlashdi, shuningdek, jamoasi uchun qo‘lga kiritilgan ochkolarning ahamiyati haqida gapirdi.
“Bu mening hayotimdagi eng asabiy lahzalardan biri edi. Albatta, oxirgi daqiqada penaltini tepish uchun borganimda asabiylashdim. Lekin bu ham ajoyib tuyg‘u. Ushbu o‘yinda bir kishi kam bo‘lib g‘alaba qozonish ajoyib. Men bugun biz uchun juda muhim bo‘lgan ushbu uch ochkoni qo‘lga kiritishimizga imkon bergan har bir yigit bilan faxrlanaman.
Jamoamiz hozirda kuchli energiya va yaxshi atmosferaga ega. Biz bir-birimiz bilan o‘ynashni yaxshi ko‘ramiz va birga ishlaymiz. Aytishim mumkinki, men bugun barchamiz bilan faxrlanaman. Bu o‘yinda g‘alaba qozonish juda ajoyib”, - deya Xolandning so‘zlarini keltiradi “Manchester Siti” rasmiy sayti.
