"Liverpul" himoyachisi Trent Aleksandr-Arnold o‘ziga bildirilgan tanqidlar haqida gapirdi. U o‘zini yomon ko‘radiganlarga javob qaytardi.

“Men o‘zimni va xarakterimni bilaman, ayniqsa meni tanqid qilishlariga munosabatim jiddiy. Mening o‘yinimni yoqtirmaydiganlarni tushunaman va men nafratga o‘rganib qolganman.

Odamlar ko‘p gapiradi, o‘z fikrini bildiradi, lekin bu shunchaki gapirish xolos. Bu ularning hayoti va ular bunga haqli.

Men har doim tanqidni harakatga undash sifatida qabul qilaman, lekin ayni paytda vaziyatni to‘g‘irlash uchun nima qilish kerakligini bilaman.

Odamlar ba’zi narsalarni tushunishmaydi, masalan, hamma narsa yaxshi ketayotganida, hech kim o‘yinning ba’zi nyuanslariga, masalan, himoyada o‘ynashingizga e’tibor bermaydi. Aslida men himoyachiman, biroq mendan ko‘p narsa kutib yuborishadi. Biror narsa noto‘g‘ri bo‘lsa, tanqidchilar darhol qanday o‘ynash kerakligi haqida maslahat berishni boshlaydilar", - deydi Trent.