"Ливерпуль" ҳимоячиси Трент Александр-Арнольд ўзига билдирилган танқидлар ҳақида гапирди. У ўзини ёмон кўрадиганларга жавоб қайтарди.
“Мен ўзимни ва характеримни биламан, айниқса мени танқид қилишларига муносабатим жиддий. Менинг ўйинимни ёқтирмайдиганларни тушунаман ва мен нафратга ўрганиб қолганман.
Одамлар кўп гапиради, ўз фикрини билдиради, лекин бу шунчаки гапириш холос. Бу уларнинг ҳаёти ва улар бунга ҳақли.
Мен ҳар доим танқидни ҳаракатга ундаш сифатида қабул қиламан, лекин айни пайтда вазиятни тўғирлаш учун нима қилиш кераклигини биламан.
Одамлар баъзи нарсаларни тушунишмайди, масалан, ҳамма нарса яхши кетаётганида, ҳеч ким ўйиннинг баъзи ньюансларига, масалан, ҳимояда ўйнашингизга эътибор бермайди. Аслида мен ҳимоячиман, бироқ мендан кўп нарса кутиб юборишади. Бирор нарса нотўғри бўлса, танқидчилар дарҳол қандай ўйнаш кераклиги ҳақида маслаҳат беришни бошлайдилар", - дейди Трент.
