"Yuventus" bosh murabbiyi Massimiliano Allegri Italiya chempionatining 13-turi doirasidagi "Inter"ga qarshi o‘yindan oldingi fikrlari bilan o‘rtoqlashdi.
"Muhim uchrashuv. Italiya derbisi har doim o‘zgacha voqeadir. “Inter”ga qarshi o‘yinda mag‘lubiyatlar seriyasini buzish uchun bor kuchimizni sarflaymiz. O‘tgan mavsumda g‘alaba qozona olmadik. Bu o‘yin oson bo‘lmaydi, "Inter" juda kuchli jamoa. G‘alaba qozonish muhim, ammo chempionat uzoq, yana ko‘p ochko to‘plashimiz mumkin”, - dedi Allegri Football Italia bilan suhbatda.
“Yuventus” – “Inter” uchrashuvi bugun tunda bo‘lib o‘tadi.
