"Liverpul" nihoyat mehmonda g‘alaba qozona oldi. APLning joriy mavsumida Klopp shogirdlari mehmonda bor-yo‘g‘i 2 ochko to‘plashdi ("Fulxem" va “Everton” bilan durang). 15-turda "Liverpul" Londonga kelib, turnir jadvalida olti pog‘ona yuqoriroqda joylashgan "Tottenxem" bilan uchrashdi.

Poytaxt jamoasida hujumda katta muammolar borligini hisobga olish kerak. Konte jarohatlari tufayli Son, Kulusevskiy va Richarlisonni asosiy tarkibga kiritmadi. Natijada Perishich oldinga chiqdi. To‘g‘ri, "Tottenxem"ning himoyasi hujumdan unchalik yaxshi ko‘rinmasdi.

11-daqiqada "Tottenxem"ning 6 nafar futbolchisi o‘z jarima maydonchasida edi, biroq ularning hech biri eng xavfli raqib Salohni, qo‘riqlay olmadi. Misrlik to‘pni egallab olishga muvaffaq bo‘ldi va chap oyog‘i bilan zarba berib, Lyorisga imkoniyat qoldirmadi, u hatto sakramadi.

“Tottenxem” himoyasidagi xatolar shu bilan tugamadi. Taym oxirlarida Dayer “o‘zini ko‘rsatdi”, u xotirjam vaziyatda to‘pni yana o‘sha Salohga oldirib qo‘ydi. U esa hech qanday muammosiz yakkama-yakka chiqishni amalga oshirdi.

Agar birinchi bo‘lim "Liverpul" ustunlik qilgan bo‘lsa, ikkinchi bo‘lim mezbonlar uchun ataldi. "Tottenxem" raqib futbolchilarini jarima maydonchasiga “qamab” qo‘ydi. Va o‘yinga ikkincgi taymda qo‘shilgan Kulusevskiy birinchi hujumdayoq Keynga golli uzatma berdi.

"Tottenxem" an’anaga ko‘ra burchak to‘plaridan ko‘p narsa yaratdi, ammo Dayer va Langlening zarbalaridan so‘ng to‘p darvozaga borib tushmadi. So‘nggi daqiqalarda londonliklar zich joylashgan "Liverpul" himoyasiga qarshi kurashib, to‘pni olib qo‘yishdi. Mehmonlar ozchilikda o‘ynagandek tuyuldi. Futbol birinchi bo‘limga nisbatan ancha o‘zgardi.

Qanday bo‘lmasin, "Liverpul" sabr qilib 1:2 natijasini saqlab qoldi. Ushbu chempionatdagi safardagi birinchi g‘alaba qo‘lga kiritildi. Kim biladi deysiz, balki mavsum oxirida ushbu uch ochko kuchli 4talikka kirish uchun katta ahamiyatga ega bo‘lar.