Iordaniyada o‘tkazilayotgan boks bo‘yicha Osiyo chempionatida barcha vazn toifalarida yarim finalchilar aniq bo‘ldi. Bu bosqichga yetib kelgan sportchilar o‘z uylariga albatta medal bilan qaytishadi.

O‘zbekiston erkaklar terma jamoasining 10 a’zosi, ayollar jamoasidan esa uch bokschi yarim final yo‘llanmasini qo‘lga kiritishdi. Ushbu ko‘rsatkich bo‘yicha mamlakatimiz qit’ada ikkinchi natija qayd etishdi. Qo‘shni Qozog‘istonning 21 nafar a’zosi (12 erkak va 9 ayol) yarim finalga yetib kelishdi. Hindistonning 12, Mongoliyaning 10 nafar bokschisi medalga sazovor bo‘ladi.

Yarim finalda 3 nafar yurtdoshimizga qozog‘istonlik bokschi raqib bo‘ladi. 54 kg. vaznda Shahzod Muzaffarov Mahmud Sabirxan bilan, 67 kg.da Asadxo‘ja Muydinxo‘jayev Dulat Bekbauov bilan, shuningdek, Farzona Fozilova 48 kilo vaznda Alua Balkibekova bilan to‘qnash keladi. Shuningdek, Mongoliya va Hindistonning 3 nafardan a’zolari final yo‘llanmasi uchun kurashda sportchilarimizga raqiblik qilishadi.

O‘zbekistonlik bokschilarning yarim finaldagi raqiblari bilan tanishing.

Erkaklar
-51 kg: Hasanboy Do‘smatov - Xarxuu Enxmandax (Mongoliya)
-54 kg: Shahzod Muzaffarov - Mahmud Sabirxan (Qozog‘iston)
-57 kg: Abdumalik Xalakov - Gantumur Lundaa (Mongoliya)
-60 kg: Adhamjon Muhiddinov - Bayarxuu Buyandalay (Mongoliya)
-63,5 kg: Ruslan Abdullayev - Chu En Lay (Xitoy Taypeyi)
-67 kg: Asadxo‘ja Mo‘ydinxo‘jayev - Dulat Bekbauov (Qozog‘iston)
-75 kg: Saidjamshid Ja’farov - Sumit (Hindiston)
-80 kg: Odiljon Aslonov - Omurbek Bekjigit o‘g‘li (Qirg‘iziston)
-90 kg: Madiyar Saidrahimov - Ahmad Sulaymon at-Temat (Iordaniya)
+91 kg: Lazizbek Mullojonov - Narender (Hindiston)

Ayollar
48 kg. Farzona Fozilova - Alua Balkibekova (Qozog‘iston)
66 kg. Navbahor Hamidova - Ankushita Boro (Hindiston)
75 kg. Sohiba Ro‘zmetova - Xergiye Basiyadan (Filippin)