Иорданияда ўтказилаётган бокс бўйича Осиё чемпионатида барча вазн тоифаларида ярим финалчилар аниқ бўлди. Бу босқичга етиб келган спортчилар ўз уйларига албатта медаль билан қайтишади.

Ўзбекистон эркаклар терма жамоасининг 10 аъзоси, аёллар жамоасидан эса уч боксчи ярим финал йўлланмасини қўлга киритишди. Ушбу кўрсаткич бўйича мамлакатимиз қитъада иккинчи натижа қайд этишди. Қўшни Қозоғистоннинг 21 нафар аъзоси (12 эркак ва 9 аёл) ярим финалга етиб келишди. Ҳиндистоннинг 12, Монголиянинг 10 нафар боксчиси медалга сазовор бўлади.

Ярим финалда 3 нафар юртдошимизга қозоғистонлик боксчи рақиб бўлади. 54 кг. вазнда Шаҳзод Музаффаров Маҳмуд Сабирхан билан, 67 кг.да Асадхўжа Муйдинхўжаев Дулат Бекбауов билан, шунингдек, Фарзона Фозилова 48 кило вазнда Алуа Балкибекова билан тўқнаш келади. Шунингдек, Монголия ва Ҳиндистоннинг 3 нафардан аъзолари финал йўлланмаси учун курашда спортчиларимизга рақиблик қилишади.

Ўзбекистонлик боксчиларнинг ярим финалдаги рақиблари билан танишинг.

Эркаклар
-51 кг: Ҳасанбой Дўсматов - Хархуу Энхмандах (Монголия)
-54 кг: Шаҳзод Музаффаров - Маҳмуд Сабирхан (Қозоғистон)
-57 кг: Абдумалик Халаков - Гантумур Лундаа (Монголия)
-60 кг: Адҳамжон Муҳиддинов - Байархуу Буйандалай (Монголия)
-63,5 кг: Руслан Абдуллаев - Чу Эн Лай (Хитой Тайпейи)
-67 кг: Асадхўжа Мўйдинхўжаев - Дулат Бекбауов (Қозоғистон)
-75 кг: Саиджамшид Жаъфаров - Сумит (Ҳиндистон)
-80 кг: Одилжон Аслонов - Омурбек Бекжигит ўғли (Қирғизистон)
-90 кг: Мадияр Саидраҳимов - Аҳмад Сулаймон ат-Темат (Иордания)
+91 кг: Лазизбек Мулложонов - Нарендер (Ҳиндистон)

Аёллар
48 кг. Фарзона Фозилова - Алуа Балкибекова (Қозоғистон)
66 кг. Навбаҳор Ҳамидова - Анкушита Боро (Ҳиндистон)
75 кг. Соҳиба Рўзметова - Хергие Басиядан (Филиппин)