Roberto Firmino Braziliya terma jamoasining 2022 yilgi jahon chempionati uchun tarkibga kiritilmaganiga munosabat bildirdi.

Neymar, Vinisius Junior, Dani Alves, Kazemiro, Rafinya Dias, Gabriel Jezus, Alisson va boshqalar Qatarga safar qilish uchun Braziliya terma jamoasidan joy olgan, ammo 31 yoshli "Liverpul" hujumchisi yo‘q.

"Barchangizga yo‘llagan xabarlaringiz uchun rahmat aytaman.

Jahon chempionati – har bir futbolchining orzusi, bunga men ham kiraman. Kecha hammasi men o‘ylagan yoki orzu qilgandek bo‘lmadi, lekin orqamga qarasam, ko‘plar qatori shu orzumni ro‘yobga chiqarishga imkon bergani uchun ko‘nglimda Allohga shukrona aytaman.

Fursatdan foydalanib, o‘z hurmatimni bildiraman va jamoaga taklif etilgan barchani tabriklayman. O‘z vatanimni himoya qilish men uchun sharaf edi, shunday bo‘ladi, ayniqsa, Rabbim menga bergan in’om tufayli.

Men shu yerda qolaman, Xudo men uchun eng yaxshisini tayyorlaganiga aminman. Men esa yaqinlashib kelayotgan oltinchi unvonga intilyapman" - deb post qoldirdi Firmino.

Roberto joriy mavsumda klub safida 19 ta o‘yinda maydonga tushib, 8 ta gol va 4 ta golli uzatmaga mualliflik qilgan.