Роберто Фирмино Бразилия терма жамоасининг 2022 йилги жаҳон чемпионати учун таркибга киритилмаганига муносабат билдирди.

Неймар, Винисиус Жуниор, Дани Алвес, Каземиро, Рафинья Диас, Габриэль Жезус, Алиссон ва бошқалар Қатарга сафар қилиш учун Бразилия терма жамоасидан жой олган, аммо 31 ёшли "Ливерпуль" ҳужумчиси йўқ.

"Барчангизга йўллаган хабарларингиз учун раҳмат айтаман.

Жаҳон чемпионати – ҳар бир футболчининг орзуси, бунга мен ҳам кираман. Кеча ҳаммаси мен ўйлаган ёки орзу қилгандек бўлмади, лекин орқамга қарасам, кўплар қатори шу орзумни рўёбга чиқаришга имкон бергани учун кўнглимда Аллоҳга шукрона айтаман.

Фурсатдан фойдаланиб, ўз ҳурматимни билдираман ва жамоага таклиф этилган барчани табриклайман. Ўз ватанимни ҳимоя қилиш мен учун шараф эди, шундай бўлади, айниқса, Раббим менга берган инъом туфайли.

Мен шу ерда қоламан, Худо мен учун энг яхшисини тайёрлаганига аминман. Мен эса яқинлашиб келаётган олтинчи унвонга интиляпман" - деб пост қолдирди Фирмино.

Роберто жорий мавсумда клуб сафида 19 та ўйинда майдонга тушиб, 8 та гол ва 4 та голли узатмага муаллифлик қилган.