"Manchester Yunayted" Angliya liga kubogi 1/16 finalida "Aston Villa"ni mag‘lub etdi (4:2). Uchrashuv "Old Trafford"da bo‘lib o‘tdi.
Birinchi bo‘limda darvozalarga to‘p kiritilmadi. Tanaffusdan keyin Olli Uotkins mehmonlarni hisobda oldinga olib chiqdi, biroq oradan bir daqiqa o‘tib Antoni Marsyal hisobni tenglashtirdi. 61-daqiqada Diyego Dalotning avtogoli evaziga mehmonlar yana oldinga chiqib olishdi. Keyin mehmonlar darvozasiga Markus Reshford, Bruno Fernandesh va Skott Maktominay gol kiritishdi.
Gollar: 0:1 – 48 Uotkins, 1:1 – 49 Marsyal, 1:2 – 61, avtogol Diogu Dalot, 2:2 – 67 Reshford, 3:2 – 78 Brunu Fernandesh, 4:2 – 90 Maktomini.
"Manchester Yunayted" – Dubravka, Diogu Dalot, Maguayr, Lindelef (Martines, 87), Malasia, Fred (Eriksen, 62), Brunu Fernandesh, van de Bek (Elanga, 62), Maktomini, Marsyal (Garnacho, 62), Reshford (Kazemiro, 82).
"Aston Villa" – Olsen, Yang (Kesh, 74), Chembers, Konsa (Mingz, 59), Augustinsson (Din, 80), Remzi (Beyli, 59), Makginn, Kamara, Duglas Luis, Ingz (Buendia, 59), Uotkins.
