"Bavariya" bosh murabbiyi Yulian Nagelsmann "Shalke"ga (2:0) qarshi o‘yin natijasini sarhisob qildi.

Bundesliganing 15-turida myunxenliklar g‘alabali seriyasini 10 o‘yinga yetkazishdi.

“Umid qilamanki, biz Rojdestvodan keyin ham shunday davom etamiz. Bu mavsumda hamma narsa sodir bo‘lishi mumkin. Bundan tashqari, tanaffus tahlil va baholash uchun yaxshi imkoniyat.

Musiala sezilarli darajada yaxshilandi va mavsumning birinchi yarmini ajoyib o‘tkazdi. Uning oyoqlari juda tez, u juda qobiliyatli. U bizda o‘ynaganidan barchamiz xursandmiz", - dedi Nagelsmann.