"Yuventus" "Lasio" yarim himoyachisi Sergey Milinkovich-Savich bo‘yicha muzokaralarni 2023 yilning yozigacha boshlamaydi, deb xabar beradi Calciomercato.com.
Manbaga ko‘ra, turinliklar 27 yoshli serbning agenti bilan allaqachon aloqada bo‘lishgan.
Yarim himoyachining rimliklar bilan shartnomasi 2024 yilning yozida yakuniga yetadi. Transfermarkt portali uni 60 million yevroga baholamoqda.
Joriy mavsumda Milinkovich-Savich "Lasio" tarkibida 19 ta o‘yinda maydonga tushib, 5 ta gol va 7 ta golli uzatmani amalga oshirdi.
Avvalroq, "Lasio" prezidenti Klaudio Lotito klub futbolchini sotmasligini aytgandi.
