"Ювентус" "Лацио" ярим ҳимоячиси Сергей Милинкович-Савич бўйича музокараларни 2023 йилнинг ёзигача бошламайди, деб хабар беради Calciomercato.com.
Манбага кўра, туринликлар 27 ёшли сербнинг агенти билан аллақачон алоқада бўлишган.
Ярим ҳимоячининг римликлар билан шартномаси 2024 йилнинг ёзида якунига етади. Transfermarkt портали уни 60 миллион еврога баҳоламоқда.
Жорий мавсумда Милинкович-Савич "Лацио" таркибида 19 та ўйинда майдонга тушиб, 5 та гол ва 7 та голли узатмани амалга оширди.
Аввалроқ, "Лацио" президенти Клаудио Лотито клуб футболчини сотмаслигини айтганди.